سباجيتي بولونيز

• ٢ ملعقة زيت زيتون • ٣ سن ثوم كبار مهروسين • بصلة وسط مفرومة ناعم • نص كيلو لحمة مفرومة ناعم • كوب ونص مرقة دجاج • مكعب مرقة دجاج (اختياري) • علبة بندورة مطحونة (أو عصير بندورة) • ٢ ملعقة كبيرة معجون بندورة • ٢ ملعقة صغيرة سكر (إذا كانت البندورة حامضة كتير) • ٢ ملعقة صغيرة صوص ورشستر • ٢ ورق غار • عود زعتر أخضر فريش أو نص ملعقة صغيرة زعتر ناشف أو أوريغانو • ملح وفلفل أسود حسب الذوق كيس سباجيتي (٥٠٠ جرام)

بنحط الزيت بطنجرة على النار وبنقلب البصل لحد ما يذبل. بنضيف اللحمة على نار عالية وبنقلبها لحد ما يتغير لونها وتنشف ميّتها. بنضيف الثوم وبنقلبه لمدة ٣٠ ثانية. بعدها بنضيف باقي المكونات وبنخليها على نار هادية لمدة نص ساعة. إذا في وقت أطول خلوها على نار هادية جدًا لمدة ساعتين مع التحريك كل نص ساعة (هيك النكهة بتتركز أكتر). وإذا صارت سميكة زيادة بنضيف ربع أو نص كوب مرقة دجاج. للتقديم: بنحط المعكرونة المسلوقة بصحن وبنضيف فوقها الصلصة (ما بندمجهم مع بعض)، وبنرش جبنة بارميزان أو موزاريلا أو الاثنين حسب المتوفر