كرمبل الفراولة

الكرمبل - ١٢٥ جرام او كوب طحين - ٦٥ جرام او نص كوب سكر - ١/٤ ملعقة قرفة - رشة جوزة الطيب - رشة ملح - ٦٥ جرام او ١/٢ كوب زبدة مذوبة الفراولة: - ٥٠٠ جرام فراولة فريش او مجمدة (بتقدروا تستخدموا اقل، حسب حجم الصحن او البايركس) - ملعقة نشا - ٣٠ جرام او ملعقتين سكر (بتقدروا تستغنوا عنه تماماً لو كانت الفراولة حلوة) - ملعقة صغيرة فانيلا - ٢ ملعقة كبير ماء (في حال كانت الفراولة فريش، لانه المجمدة بكون فيها سوائل)

1-بنسخن الفرن على ١٨٠ درجة. 2-بنخلط الفراولة مع النشا والسكر والفانيلا والمي (اذا كانت فريش) وبنحطهم بصحن الفرن. 3-بصحن تاني، بنخلط الطحين والسكر والقرفة وجوزة الطيب والملح. 4-بنضيف الزبدة المذوبة وبنحرك بالخفاقة اليدوية لحد ما يصير عنا خليط مفتفت. 5-بنوزع الكرمبل فوق الفراولة من دون ما نضغطه. 6-بندخله الفرن ل ٣٠ دقيقة او لحد ما يتحمر الوجه وتصير الفراولة تغلي من الجوانب. 7-بنتركه يبرد شوي قبل التقديم. ازكى اشي ينأكل دافي…ومع بوظة فانيلا؟ ولا اطيب