أوزي الدجاج 😋🍗

سلق الدجاج في طنجرة على النار، حطي زيت. أضيفي: اللومي، ورق الغار، الهيل، القرنفل، وعود القرفة. قلّبيهم شوي لحد ما تطلع ريحتهم. أضيفي الفلفل الأسود، الفلفل الأبيض، الكاري، بهارات الأوزي، والبهارات السبعة. قلّبيهم مع بعض لحد ما تتحمص البهارات وتفوح ريحتها. حطي الدجاج وقلّبيه منيح بالبهارات ليتغطى بالكامل. أضيفي البصل المقطع، الثوم المقطع، وقرن الفلفل الحار حسب الرغبة. قلّبي الكل مع بعض. أضيفي ماء لحد ما يغمر الدجاج. اتركيه يغلي. قبل ما يستوي بحوالي عشر دقائق، رشي ملعقة صغيرة ملح. لما يستوي، ارفعيه واحتفظي بمرق السلق. خلطة دهن الدجاج للفرن المكونات: •2 ملعقة لبن •1 ملعقة معجون بندورة •1 سن ثوم مهروس •2 ملعقة زيت زيتون •عصير نصف ليمونة •رشة ملح صغيرة •رشة بهارات أوزي •فلفل أسود الطريقة: •ادهني الدجاج بعد السلق. •حمّريه بالفرن حتى ياخذ لون ذهبي.

خلطة اللحمة للأوزي في مقلاة على النار، حطي زيت نباتي نزّلي اللحمة وقلّبيها لحد ما يتغير لونها وتنشف ميّتها ضيفي بصل شرائح وفلفل ألوان شرائح وقلّبيهم لحد ما يذبلوا ضيفي البازيلا والجزر والذرة قلّبيهم مع بعض رشي ع الخلطة بهارات( فلفل اسود ،بهارات أوزي، ملح، جوزة الطيب، وسن ثوم مهروس) ومن ثم أضيفي نصف كوب من مرق الدجاج وخليهم يغلوا مع بعض لما تنشف المي وتستوي الخلطة، اطفي النار.

الرز في طنجرة، حطي زيت نباتي وسمنة نزّلي الرز وقلّبيه منيح لحد ما تتغلف حباته بالزيت والسمنة ضيفي مرق الدجاج وحطي ملعقة ماجي ورشة ملح ورشة جوزة الطيب اتركيه يستوي لحد ما ينضج.