سندويشة جبنة بالخبز المثوم

خليط الزبدة: - زبدة طرية بحرارة الغرفة - ١ سن ثوم مهروس او حسب الرغبة والكمية - بقدونس مفروم ناعم - ملح وفلفل اسود - رقائق الفلفل الاحمر الحار (اختياري) للسندويشة: - جبنة موزاريلا مبروشة - جبنة تشيدر مبروشة - خبز توست او اي نوع بتفضلوه *بتقدروا تضيفوا انواع جبنة زيادة على المكس *نكهة التشيدر الي استخدمتها مش قوية ولا طاغية (النكهة بتختلف من نوع لنوع)

1. بنخلط كل المكونات مع الزبدة وبندهن كامل قطعة التوست بخليط الزبدة من جهة وحدة فقط. 2. بنسخن مقلاية على حرارة متوسطة وبنحط قطعة التوست (الجهة المدهونة بالزبدة من تحت) وبنحمصها على حرارة واطية لمدة ٤ دقائق تقريباً. (يفضل استخدام مقلاية او جريل واسع لتحميص القطعتين مع بعض، في حال مش متوفر بنحمص القطعة وبنخليها على جنب) 3. بنحمص القطعة التانية بنفس الطريقة وبنضيف الجبنة من فوق عشان تذوب تماماً. 4. بس تذوب بنحط قطعة الخبز فوق التانية وبنقدمها فوراً. * بيزبط تنعمل بالقلاية الهوائية، بس بالاول بنحط الخبز يتقحمش شوي بعدين بنضيف الجبنة لأنه الجبنة بتذوب بسرعة