كيكة الليمون

خليط الكيكة - قشر ٢ ليمونات كبار او ٣ وسط - كوب سكر - ٣ بيضات - ملعقة صغيرة ڤانيلا - ١/٢ كوب زيت نباتي - ٣ ملعقة كبيرة عصير ليمون - ٣/٤ كوب لبن - كوب ونص طحين - ملعقة صغيرة بيكينج باودر - ١/٤ ملعقة صغيرة بيكينج صودا - رشة ملح الطبقة الخارجية - ١/٢ كوب سكر بودرة - نص معلقة حليب - معلقة ليمون

1. بنضيف السكر بصحن عميق وبنفركه مع برش الليمون لحد ما يتغير لون السكر لمدة ٣ دقائق تقريباً (هون سر زكاوة الوصفة، هاي الحركة بتخلي نكهة الليمون تطغى اكتر) 2. بنضيف البيض والفانيلا على السكر وبنخفقهم لحد ما يتضاعف الحجم. 3. بنضيف الليمون والزيت واللبن وبنرجع نخفق. 4. بالمنخل بنضيف الطحين والبيكينج باودر والصودا وبنضيفهم عالخليط وبنخفق بس لحد ما يمتزجوا مع بعض، ما بدنا نزيد الخفق. 5. بندهن القالب بالزبدة او بنغطيه بورق اازبدة وبندير الخليط وبنخبطه خبطة او خبطتين عالكاونتر عشان نطلع فقاعات الهواء. 6. بنخبزها بفرن محمى على حرارة ١٧٥ لمدة ٥٠-٥٥ دقيقة (او لحد ما تطلع نكاشة الاسنان نظيفة). 7. بنطلعها من الفرن وبنخليها تبرد تماماً قبل ما نطلعها من القالب وبندهن خليط السكر من فوق.