ريش لحمة بالعسل والصويا صوص

تتبيلة اللحمة: -12 ريشة -2 ملعقة صغيرة بابريكا حلوة -1 ملعقة صغيرة ثوم بودرة -1 ملعقة صغيرة بصل بودرة -1 ملعقة صغيرة أوريجانو -1½–2 ملعقة كبيرة زيت زيتون -½ ملعقة صغيرة فلفل أسود لطبخ اللحمة: -2 ملعقة كبيرة من الbrown butter (موجودة في الفيديو السابق) او زيت زيتون -¼ كوب زبدة -3 أغصان اكليل الجبل -3 سن ثوم (مهروسة شوي) صوص العسل والصويا: -1 ملعقة كبيرة عسل -1 ملعقة كبيرة صويا صوص -1 ونص ملعقة صغيرة ورشسترشاير صوص -1 ملعقة كبيرة عصرة ليمون -نص ملعقة صغيرة خردل -ملح (احتياري لأنه الصويا صوص مالحة) -فلفل أسود حسب الرغبة

1. بنحط الريش بوعاء. بنضيف البابريكا، الثوم والبصل بودرة، الأوريجانو، زيت الزيتون والفلفل الأسود. بنفرك اللحمة منيح. بنغطيها وبنتركها بالثلاجة من نص ساعة لساعتين. 2. بنحمي المقلاية على حرارة متوسطة وبنضيف الزبدة او زيت الزيتون وبنشوح الريش حوالي ٢-٣ دقيقة لكل جهة لحد ما تتحمر..بنقلب مرة وحدة بس. 3. بنخفف الحرارة شوي وبنضيف الزبدة، اكليل الجبل، والثوم. بنميل المقلاية وبنغطي اللحمة بالزبدة لمدة دقيقة. بنشيل اللحمة على جنب ترتاح وبنرمي اكليل الجبل. 4. بنوطي الحرارة عالآخر وبنضيف كل مكونات الصلصة وبنحرك باستمرار (لمدة ٣ دقايق تقريباً) لحد ما تتسبك. (إذا الصوص صار ثقيل بسرعة، بنضيف 1–2 ملعقة كبيرة مي) 5. بنرجع اللحمة على المقلاية وبنغلفها بالصوص لمدة دقيقتين لكل جهة. 6. بنشيلها من عالنار وبنقدمها مع بطاطا مهروسة وبنزينها بالبقدونس وبنقدمها فوراً