براونيز بالمج (بدون بيض)

- ٢ ملعقة كبيرة كاكاو - ٣ ملعقة كبيرة طحين - ٣ ملعقة كبيرة سكر - رشة ملح منيحة - ٣ ملعقة كبيرة حليب سائل - ٢ ونص ملعقة كبيرة زيت نباتي - ١/٤ ملعقة صغيرة فانيلا - ١ ملعقة صغيرة قهوة فورية مذوبة بشوية ماء (اختياري لتعزيز نكهة الكاكاو) - ٢ ملعقة كبيرة رقائق الشوكلاتة chocolate chips (مهمين جداً ما تعملولهم skip!) - بوظة للتقديم (اختياري)

1. بنًخلط المواد الجافة مع بعض ب مج، بعدين بنضيف المواء السائلة وبنخلط لحد ما يختفي الكاكاو. 2. بنضيف رقائق الشوكلاتة وبنخلطهم مع بعض، وبنرش اكم حبة عالوجه. 3. بنحط المج بالمايكروويف لمدة دقيقة، البراونيز راح ينفش شوي وراح يكون طري من الوجه (اذا كان لسا مبين ني او مش مستوي بنرجعه عالميكروويف ل ١٠ ثواني. 4. بنخلي البراونيز على جنب تبرد وتجمد شوي لمدة ٣-٤ دقائق وبنقدمها مع البوظة.

- اهم اشي ما نزود طحين ولا نزيد تحريك الخليط لأنه الزيادة راح تخليه كيك ناشف مش براونيز. - وسط البراونيز راح يكمل استواء حتى بعد ما ينشال من الميكروويف، ف ما تقلقوا اذا بين معكم انه طري زيادة. - الأفضل نستخدم الملاعق المعيارية لهاي الوصفة. - ممكن تقديمه مع الفواكه والكريما. - ممكن استبدال الchocolate chips بشوكلاتة مكسرة قطع صغيرة. - بتقدروا تبدعوا بهاي الوصفة وتضيفوا اشياء زاكية ومطيبات مثل: * زبدة الفستق: بس ضيفوا ملعقة مع الخليط قبل ما تحطوه بالميكروويف. * نوتيلا: قبل او بعد الخليط لزيادة الحلاوة ونكهة الشوكلاتة. * مربى فراولة او توت: بوسط المج قبل الميكروويف. * جوز * كراميل