شوربة بندورة كريمية

- ٧ حبات بندورة مقطعة انصاص - ١ بصل احمر كبير مقطع شرائح - ١ فلفل احمر مقطع - ٣ سن ثوم مقطع شرائح - زيت زيتون - ٢ ملعقة كبيرة زبدة - ١ ملعقة صغيرة خل بلسمك (اختياري) - ملح وفلفل اسود حسب الذوق - ١ ملعقة كبيرة سكر بني (لموارنة الحموضة) - ١ ملعقة صغيرة ريحان ناشف - ١ ملعقة صغيرة اوريجانو - ١/٢ ملعقة صغيرة فلفل ابيض - ١/٢ ملعقة صغيرة فلفل حار (اختياري) - ٣ ملعقة كبيرة معجون بندورة - ٢ كوب مرقة دجاج او خضار - ١/٢ كوب كريمة طبخ

1. بصينية شوي، بنحط الزبدة مع زيت الزيتون، البصل والثوم، ونقلبهم على الغاز 5 دقائق مع رشة ملح وفلفل أسود لحد ما يذبلوا. 2. بنضيف البندورة والفلفل الأحمر، شوية زيت زيتون، الخل البلسمك، السكر البني، ورشة ملح وفلفل، ونقلبهم. 3. بنرتب البندورة بحيث يكون وجهها لتحت، وبندخل الصينية على فرن محمى على حرارة 180 لمدة 25 دقيقة. 4. بعد مرور نص الوقت بنقلب الخضار، وبالآخر بنحمرهم من فوق لحد ما يتحمصوا ويطلع طعمهم مركز. 5. بننقلهم على طنجرة، وبنضيف المرقة، معجون البندورة، الريحان، الأوريجانو، الفلفل الأبيض والحار، وبنخليهم يغلو. 6. بنوطي النار وبنضيف الكريمة وبنتركها 3 دقائق من دون ما نخليها تغلي غليان قوي. 7. بنهرس الشوربة بالخلاط اليدوي لحد ما تصير ناعمة وكريمية (وإذا ما في خلاط يدوي، بنتركها تبرد شوي وبنخلطها بالخلاط العادي). 8. بنقدمها ساخنة مع خبز محمص وشوية كريمة على الوجه.