سبرينج رول

الحشوة: - ٤ فلفل الوان مقطع شرائح رفيعة بالطول - نصف راس ملفوف احمر صغير مقطع شرائح رفيعة بالطول - ٢ جزر حجم كبير مبروش او مقطع شرائح رفيعة - ٣ بصل اخضر مقطع ناعم - ١ بصلة متوسطة مفرومة ناعم - ٤ او ٥ سن ثوم - ١ ملعقة كبيرة زنجبيل مفروم او مبروش - صدر دجاج مسلوق بالمطيبات ومسحب - ١ ملعقة كبيرة زيت سمسم (في حال عدم توفره ممكن استخدام زيت قلي) - ٢ ملعقة كبيرة صويا صوص - ٢ ملعقة كبيرة ورشستر صوص - ١/٤ كوب من الصلصة الحلوة الحامضة - ملح وفلفل اسود السبرينج رول: - علبة spring rolls جاهزة - خليط طحين وماء الصلصة الحلوة الحامضة: - ١/٤ كوب سكر بني او عادي - ١/٤ كوب خل احمر - ١/٤ كوب كاتشاب - كوب ماء - ٢ ملعقة كبيرة صويا صوص - ١ ملعقة كبيرة نشا او طحين ذرة او طحين عادي - ١ ملعقة صغيرة شطة (انا استخدمت سيراتشا) *بنخلطهم كلهم مع بعض.

1. بنحمي الزيت بطنجرة او مقلاة كبيرة وبنقلي البصل. بنضيف الثوم والزنجبيل وبنقلب. 2. بنضيف الملفوف والفلفل والجزر والبصل الاخضر والدجاج وبنقلبهم. 3. بنضيف الصويا صوص والورشستر صوص والصلصة الحلوة الحامضة والملح والفلفل الاسود وبنقلبهم لحد ما تستوي الخضار نصف استواء. 4. بنصفي الخليط بمصفاة من السوائل الزيادة وبنحتفظ فيهم على جنب للصوص وبنترك الخليط على جنب يبرد تماماً. (مهم جداً انه نصفي الخضار من السوائل تماماً حتى تطلع معنا السبرينج رول مقرمشة) 5. بنغلي الصلصة الحلوة الحامضة بالميكروويف او على النار لحد ما تتكثف وبنتركها على جنب تبرد. 6. بنطلع علبة السبرينج رول من الفريزر وبنخليها بحرارة الغرفة. 7. بنبلش لف السبرينج رول وبنحط ملعقة كبيرة من الخلطة على الوجه العلوي من رقاقة العجين وبنثنيها من الأطراف وبنلفها. 8. بندهن شوي من خليط الطحين والماء على نهاية اللفافة حتى نسكرها. 9. بنغطي باقي رقائق العجين واحنا بنلف ببشكبر حتى ما ينشفوا. 10. بنقليها بالزيت لحد ما يشقر لونها وبنقدمها مع الصلصة الحلوة الحامضة.