فوندنت الشوكلاتة

1. بنحمي الفرن على حرارة ١٨٠. 2. بنذوب الزبدة مع الشوكلاتة بالمايكروويف أو بحمام مائي وبنخليها على جنب تبرد تماماً. 3. بندهن صينية الخبز بزبدة وبنغطيها بالكاكاو وبنخليها بالثلاجة عبين ما نخلص باقي الخطوات. 4. بنخفق البيض مع السكر والفانيلا يدوي او بالخلاط الكهربائي لحد ما يصير الخليط خفيف و fluffy. 5. بنضيف الشوكلاتة الذايبة وبنكمل خفق لحد ما يمتزجوا تماماً. 6. بنضيف الطحين وبنطويه بالخليط بس لحد ما يمتزجوا مع بعض من دون مبالغة بالتحريك. 7. بنطلع صينية الخبز من الثلاجة وبندير الخليط وبنخبزها لمدة ١٧ دقيقة بالضبط. النتيجة بتكون كيكة جامدة من الحواف وبركان من الشوكلاتة بالنص. اذا زدنا الوقت بتتحول لبرواني. (جربت الوصفة كتير لحد ما قدرت احدد الوقت المثالي) 8. بنرش سكر بودرة على الوجه وبنقدمها مباشرة