دجاج بالبف بيستري

- ممكن تفريز الفطاير بالفريزر لمدة ٣ شهور. - ممكن اضافة او ازالة اي نوع خضار. - ممكن استبدال قطع الباف بيستري الصغيرة بعجينة كبيرة وتقطيعها عند التقديم. - ممكن الاحتفاظ بالبواقي بالثلاجة وتسخينهم بالفرن او القلاية الهوائية. - اذا الوقت بيسمح، يُفضل نخلي الفطاير بالثلاجة قبل الشوي عشان تحافظ العجينة على طبقاتها الهشة. - يُفضل ما نفتح الفرن اول ١٥ دقيقة عشان نسمح للعجينة تنفش ١٠٠٪ - لازم الحشوة تكون باردة تماماً قبل الحشي. - لازم ننتبه على كمية الملح لأنه الصويا صوص مالحة. - يُفضل ما نكتر جبنة عشان ما تفتح العجينة اثناء الخبز.

1. بنقلب البصل بالزبدة وزيت الزيتون لحد ما يذبل. 2. بنضيف ملح عالبصل عشان يمتص الرطوبة ويسرع من عملية الذبلان. 3. بنضيف بعدها الثوم وبنقلبه لمدة دقيقة، وبنضيف باقي الخضار وبنقلبهم من ٣-٤ دقائق. 4. بنضيف الدجاج والبهارات وباقي المطيبات وبنقلبهم حتى يمتزجوا تماماً. 5. بنطفي النار وبنخلي الخليط على جنب حتى يبرد. 6. بنحشي عجينة الباف بيستري بملعقة من الخليط وبنضيف الجبنة وبنسكرها على شكل مثلث زي ما هو موضح بالفيديو. 7. بندهن الوجه بصفار البيضة وبنخبزها بفرن محمى على درجة حرارة ١٨٠ لحد ما تشقر من فوق وتحت.