سندويشة دجاج مدخن مع صلصة التشيميشوري

صدور دجاج ٣ ملعقة كبيرة زيت زيتون (الزيت بخلي الدجاج طري) ٢ ملعقة صغيرة سكر بني ملعقة كبيرة ليمون ملعقة كبيرة خردل ملعقة صغيرة خل بلسمك ١/٢ ملعقة صغيرة بهارات ايطالية (في حال عدم توفرها، بنقدر نستبدلها ب زعتر ناشف) ملعقة صغيرة من كل بهار مذكور: ثوم بودرة بصل بودرة بابريكا ملح وفلفل اسود تشيلي (في حال عدم توفر بنستبدله ب ٢ م ص بابريكا+م ص كمون+١/٤ م ص اي نوع بهارات فلفل حار) فلفل ابيض بندورة للشوي (اختياري)

التشيمي تشوري او ال salsa: نص ضمة بقدونس نص ضمة كزبرة بصلة حمرا ١ او ٢ سن ثوم ١ فلفل احمر ملعقة صغيرة بهارات ايطالية ملعقة صغير فلفل احمر مجروش ٣ ملعقة كبيرة زيت زيتون ١ ملعقة صغيرة خل بلسمك ليمون حسب الرغبة (انا بحبها حامضة) ملح وفلفل اسود حسبة الرغبة *دائماً جربوا وشوفوا اذا النكهة بحاجة لإشي زيادة، مش ضروري تلتزموا بالمعايير بالزبط، كل شخص بيختلف ذوقه بالأكل🫶🏻 للتجميع: خبز تورتيلا (او اي خبز بتفضلوه) جبنة موزاريلا

للدجاج: 1. بنقطع الدجاج لشرائح بالطول وبنضيف عليه جميع المكونات المذكورة وبننقعه بالتتبيلة من ٣٠ دقيقة-لساعتين. 2. بننقله على صينية شوي مع بندورة كرزية مقطعة بالنص او بندورة عادية مقطعة ومملحة و بنضيف شوية ماء على الاطراف فقط وبنغطيها بورق زبدة وقصدير (نصيحة: دايماً غطوا صينية الشوي بورق الزبدة لانه بخلي الدجاج يحتفظ برطوبته وعصارته، وبضل طري بعد الشوي ومحتفظ بكل نكهاته). 3. بنشوي الدجاج بالفرن على حرارة ١٨٠ لمدة ٢٥ دقيقة وبنشيل التغليف وبنخليه يتحمر من فوق شوي. 4. بنطلع الصينية من الفرن وبندخن الدجاج متل ما هو موضح بالفيديو. 5. بننقل الدجاج لصحن وبنحتفظ بالعصارة الموجودة بصينية الشوي. للصلصة: بنفرم كل الخضروات ناعم كتير وبنخلطهم مع جميع المنكهات المذكورة فوق. للتجميع: 1. بنغمس الخبزة بعصارة الدجاج وبنغطيها بالكامل وبننقلها على مقلاة. 2. بنخليها على حرارة متوسطة وبنضيف الجبنة والدجاج والبندورة على جانب واحد متل ما هو موضح بالفيديو وبنحمرها. 3. بنسكر الخبزة وبنقطعها مثلثات او شرائح وبننقلها على صحن التقديم. 4. بنضيف فوقها الصلصة او الchimichurri ونكون سخيين فيها (مكس السندويشة الساخنة مع الصلصة الباردة اشي رهييييب 🤤)

For the Salsa: 1. Finely chop all the vegetables very small. 2. Mix them with all the seasonings mentioned above. For Assembly: 1. Dip the bread in the chicken juices until fully coated, then transfer it to a pan. 2. Place over medium heat, add the cheese, chicken, and tomatoes on one side as shown in the video, and let it toast. 3. Fold the bread, cut into triangles or slices, and transfer to a serving plate. 4. Top with the sauce or chimichurri, being generous with it (the contrast of the hot sandwich with the cold sauce is amazing 🤤)