فطيرة البطاطا والبيض

للقاعدة: زبدة او زيت لدهن الصينية او القالب (نصيحة: ما ترموا ورق تغليف الزبدة، احتفظوا فيه بالثلاجة لدهن قوالب المخبوزات) حبة بطاطا عادية وحبة حلوة (البطاطا الحلوة راح تضيف لون ونكهة) ملح حسب الرغبة ملعقة صفيرة بابريكا ملعقة صغيرة ثوم بودرة ٢ ملعقة صغيرة بصل بودرة ٥ ملاعق كبيرة طحين بيضة متوسطة (وكمان بيضة لدهن القشرة بعد الخبز) للحشوة: ٣ بيضات ١٥٠ مل حليب ٣/٤ كوب او ١٥٠ جرام جبنة موزاريلا او تشيدر (او اي نوع جبنة بتفضلوها) رشة بصل اخضر مفروم (الاوراق الخضرا فقط لأنه الجزء الأبيض طعمته حادة اكتر) ملح وفلفل اسود

1. بنسخن الفرن على درجة حرارة ١٨٠ وبندهن قالب تارت او فطيرة دائري بالزبدة او الزيت. 2. بنبشر البطاطا على بشكير (عشان يمتص الرطوبة الي بتنزل) وبنعصرها منيح لحتى نتخلص من الرطوبة تماماً. 3. بنضيف عليها باقي مكونات الحشوة وبنحرك منيح حتى نتأكد انه كل المكونات امتزجت. (لازم يصير عنا خليط بيتجمع مع بعضه لما نضغط عليه) 4. بنحط الخليط بالقالب وبنضغطه باستخدام ظهر الملعقة على القاعدة والجوانب. 5. بنستخدم اي مرتبان او علبة بهارات او اي علبة الها قاعدة دائرية عشان نسهل عملية الفرد وبنحطه بالفرن لمدة ٢٥-٣٠ دقيقة. 6. بنطلع القالب وبندهنه بالكامل بالبيض عشان نعبي اي فراغات ممكن تكون موجودة وبنرجعه بالفرن لمدة ٥ دقائق. 7. للحشوة، بنخلط البيض والحليب وبنطلع القالب وبنضيف داخله الجبنة. بندير خليط البيض والحليب وبنرش البصل الاخضر والملح والفلفل الاسود عالوجه. 8. بنخبزه لمدة ٢٠ دقيقة (الوسط المفروض يكون بهز شوي لما تحركوه) وبنتركه يبرد لمدة ٣٠ دقيقة. عشان الكسترد او الحشوة تتماسك.