برياني عراقي

الحشوة: دجاجة مسلوقة مع المطيبات (جزرة، بصلة، ثوم، عروق البقدونس، قرفة، هيل، قرنفل، ورق غار، ملح، فلفل اسود) بطاطا مكعبات مقلية بازيلاء جزر مكعبات ١ ملعقة صغيرة بهارات مشكلة ١/٢ كوب مرقة الدجاج الأرز: ملعقة كبيرة زيت نباتي ٢ ملعقة كبيرة سمنة بصلة مقطعة شرائح شعيرية ارز بسمتي (انا عملت 4 اكواب) زبيب لوز البهارات: ملح وفلفل اسود ٣ ملعقة صغيرة بهارات البرياني ملعقة صغيرة قرفة ملعقة صغيرة هيل ٢ ملعقة صغيرة بهارات مشكلة ملعقة صغيرة كركم ٢ ملعقة صغيرة كاري

1. بنسلق الدجاج مع المطيبات وبنسحبه وبنخليه بطنجرة على جنب وبنحتفظ بمرقة الدجاج. 2. بنقلي البطاطا والجزر والبازيلا وبنضيفهم على الدجاج المسحب مع الملح والبهارات المشكلة. 3. بنضيف نصف كوب من مرقة الدجاج على الحشوة وبنخليها على نار هادئة جداً حتى الحشوة تتشرب المرقة بالكامل وتختلط النكهات ببعضها.

1. بنضيف الزيت والسمنة بطنجرة وبنقلب البصل لحد ما يتحمر تماماً. 2. بنضيف الشعيرية وبعد ما تتحمر بنضيف الثوم، جميع البهارات، والزبيب وبنخلط لحد ما يمتزجوا النكهات مع بعض. 3. بنضيف الرز وبنقلبه وبندير مرقة الدجاج وبنطبخه. كل كاسة رز بدها كاستين من مرقة الدجاج. (انا استعملت طباخة الرز) 4. بس ينشف الرز بنضيف عليه ثلاثة ارباع الحشوة بدون تقليب، بنغطي الطنجرة وبنستنى ٥ دقائق بعدين بنقلب الرز منيح وبنتركه لحد ما يستوي. 5. عند السكب، بنضيف بقية الحشوة على الوجه وبنزين باللوز والزبيب.