كيكة الأناناس

1. بنسكب ٥٥ جرام (١/٤ كوب) من الزبدة الذايبة بقالب صغير وبنلفها لتغطي القاع والجوانب. 2. بنرش السكر البني بالقاع بالتساوي وبنحط شريحة اناناس بالنص وبنرتب الباقي حواليها. 3. بنحط كرزة او فراولة مقطعة بنص كل شريحة وبنعبي الفراغات.

1. بوعاء عميق بنخلط الطحين + البيكنج باودر + الملح. (بحب اخلط البيكينج باودر كتير منيح بهاي الخطوة لانه بعد ما نضيف المكونات السائلة ما بنقدر نخلط كتير) 2. بنخلط اللبن (يُفضل لبن يوناني، بس في حال عدم توفره لبن عادي) مع عصير الاناناس وبنخليه على جنب. 3. بوعاء عميق او بصحن الخلاط بنخفق (١٠٠ جرام او اصبع) من الزبدة لحد ما تصير كريمية، وبعد هيك بنضيف السكر وبنخفق على سرعة متوسطة لحد ما يصير الخليط فاتح، لمدة 3 دقائق تقريباً. أنا 4. بنضيف البيض وحدة وحدة وبنخفق منيح بعد كل بيضة وبنضيف الفانيلا. 5. على سرعة واطية بنضيف ثلث الطحين وبنخلط شوي بس لحد ما يندمج، وبعدها بنضيف شوي من خليط اللبن وبنخلط خلط خفيف. 6. بنكمل بالتناوب بين الطحين واللبن لحد ما يخلصوا.

1. بنسكب الخليط بالقالب وبنفرده، وبنخبز الكيكة لمدة 40–45 دقيقة او لحد ما نحط نكاشة او عود اسنان ويطلع عليها فتافيت صغيرة. 2. بنطلع القالب وبنتركه يبرد لمدة ربع ساعة، وبعدها بنقلب الكيكة بقالب تقديم وبنخليها تبرد لمدة ٢٠ دقيقة قبل التقديم على الاقل.