تاكو الدجاج بالأناناس

المقادير تتبيلة الدجاج: -500غ صدر دجاج مقطع قطع صغيرة -40غ (حوالي 3 ملعقة كبيرة ) عصير أناناس -25غ (2 ملعقة كبيرة) عصير لايم -20غ (1 ونص ملعقة كبيرة) زيت زيتون -20غ (1 ملعقة كبيرة) معجون بندورة -15غ (2 ملعقة صغيرة) عسل -10غ (2 ملعقة صغيرة) خل تفاح -4 سن ثوم مهروس -1 ونص ملعقة صغيرة بابريكا مدخنة -1 ملعقة صغيرة كمون -1 ملعقة صغيرة تشيلي باودر (اختياري) -نص ملعقة صغيرة أوريغانو -نص ملعقة صغيرة بودرة بصل -نص ملعقة صغيرة ملح -ملعقة كبيرة بهارات مرق الدجاج (اختياري) -ربع ملعقة صغيرة فلفل أسود -نص ملعقة صغيرة فلفل حار (اختياري) الأناناس: -250غ أناناس مقطع مكعبات -10غ (حوالي 2 ملعقة صغيرة) زبدة مذوبة -10غ (1ونص ملعقة صغيرة) عسل -10غ (2 ملعقة صغيرة) عصير لايم -نص ملعقة صغيرة تشيلي باودر -ربع ملعقة صغيرة بابريكا مدخنة -رشة ملح -برش لايم صوص الأفوكادو واللايم -150غ أفوكادو (حوالي حبة أفوكادو) -35غ (2-3 ملعقة كبيرة) عصير لايم -1 سن ثوم صغير -نص ملعقة صغيرة ملح -ربع ملعقة صغيرة فلفل أسود -برش حبة لايم -30–50غ (2–3 ملعقة كبيرة) مي باردة، حسب القوام الكريما المدخنة -200غ لبن يوناني او لبنة(حوالي ٣/٤ كوب) -50غ (3 ملاعق كبيرة) مايونيز -20غ (1 ملعقة كبيرة) عصير لايم -1 سن ثوم صغير مهروس -15غ (1 ملعقة كبيرة) هالبينو مخلل مفروم ناعم -10غ (2 ملعقة صغيرة) من مي الهالبينو المخلل -1 ملعقة صغيرة بابريكا مدخنة -نص ملعقة صغيرة كمون -10غ (2 ملعقة صغيرة) عسل -نص ملعقة صغيرة ملح -ربع ملعقة صغيرة فلفل أسود البصل: -حبة بصل احمر مفرومة ناعم -عصير لايم -رشة عسل خفيفة -رشة ملح -رشة فلفل أسود -برش لايم الطريقة الدجاج: 1.بنخلط كل مكونات التتبيلة مع بعض منيح، وبنضيف الدجاج وبنغطيه بالتتبيلة. بنتركه بالثلاجة من ساعتين ل ٦ ساعات او لحد ما نفقد الصبر 😂 2.بنحط الدجاج بصينية مناسبة للفرن، وبنغطيها بالقصدير. 3.بندخله فرن محمى مسبقًا على 200 لمدة حوالي 15 دقيقة. 4.بنكشف الصينية وبنرفع حرارة الفرن لـ220–230 وبنرجع الصينية بدون تغطية لمدة 8–12 دقيقة، لحد ما يتحمر 5.بآخر 3 دقايق بنشغل الشواية العلوية لحد ما يصير على الدجاج أطراف محروقة ومكرملة. الأناناس: بنخلط كل المكونات مع الاناناس وبنكرمله بالزبدة بمقلاية على الغاز. صوص الأفوكادو: بنحط الأفوكادو، عصير اللايم، الثوم، الملح، الفلفل وبرش اللايم بالخلاط وبنخلط وبنضيف المي شوي شوي لحد ما يصير الصوص ناعم وخفيف. الكريما: نخلط كل مكونات الكريما مع بعض لحد ما تصير ناعمة وكريمية وبنحطها بالثلاجة 30 دقيقة على الأقل عشان النكهات تتجانس البصل: بنخلط المكونات مع البصل وبنفركهم بإيدينا بنسخن التورتيلا على مقلاة ناشفة لحد ما تتحمر شوي (خلي عينكم عليها بتتحمر بسرعة)