مافن البيتزا بالبيبروني (افكار للانش بوكس)

المقادير: المكونات السائلة: -٢ بيضة كبيرة -٣/٤ كوب (١٧٠ جرام) كوب زبادي يوناني -٢ ملعقة كبيرة زيت زيتون المكونات الجافة: -١ كوب (١٢٠ جرام) اي طحين بتفضلوه -١ ونص ملعقة صغيرة بيكنج باودر -نص ملعقة صغيرة بودرة ثوم -نص ملعقة صغيرة أوريغانو مجفف -نص ملعقة زعتر مجفف -ربع ملعقة صغيرة ملح مكونات البيتزا: -ملعقة صوص بيتزا جاهز -نص كوب موزاريلا مبشورة -نص كوب بيبروني مفروم ناعم ومحمر بزيت زيتون عالنار -موزاريلا وبيبروني إضافي للوجه طريقة التحضير: 1.بنسخن الفرن على حرارة ١٨٠ وبندهن قالب المافن بزيت زيتون او زبدة. 2.بنخفق البيض مع اللبن اليوناني وزيت الزيتون لحد ما يتجانس الخليط. 3.بنضيف خليط الطحين مع التوابل وبنخلط بس لحد ما تتجانس المكونات، بدون ما نخلط زيادة. 4.بنضيف الموزاريلا والبيبروني المفروم وبنقلب بخفة. 5.بنضيف حوالي ملعقة كبيرة من صوص البيتزا على الخليط وبنعمل فيه swirl خفيف، بدل ما نخلط كل الصوص مع الخليط. 6.بنوزع الخليط بالتساوي بالقالب. 7.بنحط حوالي ملعقة صغيرة من صوص البيتزا على وجه كل حبة. 8.بنرش موزاريلا وحبات صغيرة من البيبروني. 9.بندخلهم الفرن لمدة ١٨–٢٢ دقيقة، أو لحد ما ينتفخوا ويصير لونهم ذهبي والوسط يستوي. 10.بنتركهم يبردوا ١٠ دقائق قبل ما نطلعهم من القالب. للتفريز: بنتركهم يبردوا تمامًا وبعدين بنحطهم بصينية او صحن لحد ما يجمدوا وبعدين بننقلهم بعلبة أو كيس محكم وبنفرزهم. ولما نحتاجهم، بنسخنهم بالميكروويف او بالفرن أو الـAir Fryer