كيكة الاناناس

اول اشي بنجيب الصينية الي بدنا نسوي فيها الكيكة بندهنها بزيت نباتي او طحين .. ايش ما بدكم المهم ما تلزق من تحت ، وبنصفط حبات الاناناس بشكل حلو . بعدين بمقلاة واسعة بنضيف كوب سكر ، بنحطه على النار وما بنحرك إلا لما نشوف الأطراف ذابت .. بنحركه لحتى يصير لونه ذهبي وبنضيف قطعة زبدة ، ولما يذوب كلشي ويتجانس بضيفي فوق الاناناس بالقالب وبتركو لحتى يجمد . بعدين ببلش اسوي بخليط الكيك .. اول اشي بضيف ثلاث بيضات، كوب سكر ، ومعلقتين لثلاث فانيلا و بخلطهم لثلاث دقايق . بعدين بضيف ثلث كوب زيت نباتي ، نص كوب حليب سائل دافي ، نص كوب ماء الاناناس وبنرجع نخلط دقيقتين . بعدين بنبلش نحضر المواد الجافه .. بنضيف كوبين طحين ، ثلاث معالق ص بكنج باودر ، رشة ملح .. بنخلطهم بالتدريج مع الخليط السائل ولما نخلص ونتأكد انه انخلطت كل المكونات منيح بضيفهم على القالب . بدخلها على فرن محمى مسبقًا بالرف الوسط لمدة ٥٠ دقيقة . اهم اشي اقلبوها وهي سخنة صحتين وعوافي بتشهي ومضمونة .