برياني الدجاج

اول اشي بننظف الدجاج بخل وملح وليمون وطحينية وبنشيل الجلد عنو . بدنا كمية بهارات معينة هيها رح نستخدمها للطبخة كاملة( ماجي ، فلفل اسود ، قرنفل حب ، كزبره مطحونة ، بهارات مشكلة، بصل وثوم بودرة ، كمون ) بعدين بنحضر لخلطة النقع اول اشي بنحط اللبن ، كمية صغيرة من كل نوع بهارات مذكور ، سنين ثوم مدقوقين ، عصرة ليمون ، شوية زعفران منقوع بمي مغلية ، بصل مقلي ، زيت من البصل المقلي . بنقعهم بهاي الخلطة مش اقل من ساعة لحتى تطلع زاكية . بعدين بنبلش نطبخها اول اشي بطنجرة على النار بحط بهارات حب قرفه عيدان وقرنفل حب وبحمسهم لحتى تطلع ريحتهم وبعدين بنزل الدجاج بالخلطة تعتبو وبضيف عليها حبتين بندورة مقطعين وشوية بصل مقلي وبخليهم ينطبخو على نار هادية . ( إذا كانت كمية الصلصة الي نقعت فيها الدجاج قليلة بزيد شوية مي مش كثير شوي ، لاني بدي ياها تنطبخ لحالها من دون مي بس بالصلصة الي سويناها ) لبيت ما يستوي بقلي حبتين بطاطا مقطعات مكعبات متوسطة وقبل ما نطفي على الدجاج بعشر دقايق بنضيف البطاطا فوقو وبعدين بجيب طنجرة ستانلس بحط فيها مي مغلية ، هيل ، قرنفل ، زعفران ، ورق غار ، شوية ملح وبضيف عليه الرز المنقوع والمغسول وبخليه يغلي لحتى الرز يستوي ثلاث ارباع الاستواء . وآخر خطوة التطبيق هون بكون استوى كل اشي ببلش بطنجرة احط طبقة من خلطة الدجاج ، بصل مقلي ونعنع وكزبره مقطعين ، أرز ، وبضل اكرر هاي الخطوات لحتى اخلص وبحط شوك زعفران منقوع بمي ساخنه على الوجه لحتى يعطي لون بعدين بلفها بقصدير وبتركها على نار هااااديه لحد ربع ساعه وبفحمها صحتين وعوافي .