كيكة البرتقال

المقادير الكيكة: -٣/٤ كوب سكر (١٥٥ جرام) -1ونص-2 ملعقة كبيرة برش برتقال -١/٤ كوب زبدة مذابة (55غ) -١/٤ كوب زيت (55غ) -2 بيض كبير بدرجة حرارة الغرفة -2 ملعقة كبيرة عصير برتقال فريش (30مل) -1 ملعقة كبيرة فانيلا -1 كوب + 2 ملعقة كبيرة طحين (140غ) -نص ملعقة كبيرة بيكنج باودر -نص ملعقة صغيرة ملح -3 ملاعق كبيرة + 1 ملعقة صغيرة لبن زبادي بدرجة حرارة الغرفة (50غ) سيرب البرتقال: -3 ملاعق كبيرة عصير برتقال فريش -ملعقة صغيرة سكر بنذوب السكر مع العصير بالميكروويف او عالغاز الكريما: -50غ سكر بودرة (حوالي ١/٣ كوب) -2 ملعقة كبيرة كريمة سائلة او بودرة (في حال استخدام كريما محلاة ما تستخدموا السكر) -1 ونص ملعقة كبيرة عصير برتقال (بنزيد الكمية في حال استخدام الكريما البودرة) -رشة ملح بنخلط كل المكونات مع بعض وبنخليها بالثلاجة لوقت التقديم الطريقة 1.بنحمي الفرن على درجة حرارة 170 وبنحهز القالب بورق زبدة. 2.بنخلط الطحين والبيكنج باودر والملح وبنتركهم على جنب. 3.بزبدية ثانية بنحط السكر مع برش البرتقال وبنفركهم بأصابعنا لحد ما نطلع الزيوت العطرية وتصير النكهة اقوى. 4.بنضيف البيض والفانيلا وبنخفق لحد ما يفتح لون الخليط ويصير قوامه أخف. 5.بنضيف الزبدة الذايبة والزيت واللبن وعصير البرتقال وبنخلط لحد ما يتجانس الخليط. 6.بنضيف المكونات الجافة بالتدريج وبنخلط عالخفيف لحد ما يختفي الطحين فقط عشان ما تقسى الكيكة. 7.بنصب الخليط بالقالب وبنخبط القالب خبطتين خفيفات. 8.بنخبزها على درجة حرارة 170 لمدة 45-60 دقيقة (كل فرن بيختلف عن التاني، يُفضل نتفقدها عال٤٥ دقيقة). 9.أول ما تطلع الكيكة من الفرن بنوزع سيرب البرتقال عليها وهي ساخنة وبنتركها 15-20 دقيقة تمتص النكهة وتبرد. 10.بنطلع الكيكة من القالب وبنتركها تبرد تماماً. 11.بعد ما تبرد الكيكة تماماً بنوزع الكريما عالوجه وبنقدمها..والف صحة وعافية❤️