كبسة لحمة

• رأس بصل كبير مفروم ناعماً. • كمية مناسبة من الزيت. • 3–4 فصوص ثوم مفرومة. • حبتا بندورة مفرومتان. • فلفل حار حسب الرغبة. • ملعقتان كبيرتان معجون بندورة. • لحم مقطع. • أرز مغسول ومنقوع. • ماء. البهارات: • هيل حب. • أعواد قرفة. • لومي. • بهارات كبسة. • كاري. • فلفل أسود. • بابريكا. • ملح حسب الرغبة. • باكيت ماجي. • رشة قرفة إضافية. • ملعقتان كبيرتان سمنة.

1. حمّرت البصلة المفرومة بالزيت لحد ما أخذت لون ذهبي غامق وطلعت نكهتها. 2. أضفت الثوم والبندورة والفلفل الحار ومعجون البندورة، وقلّبتهم مع بعض منيح. 3. حطيت الهيل والقرفة واللومي وبهارات الكبسة والكاري والفلفل الأسود والبابريكا، وحرّكتهم شوي لحد ما فاحت ريحة البهارات. 4. أضفت اللحمة وقلّبتها مع الخلطة، بعدين غمرتها بالمي وتركتها تستوي على نار هادئة. 5. لما استوت اللحمة، رتبتها بقاع الطنجرة وحطيت الأرز فوقها. 6. أضفت مرق اللحمة على الأرز، وحطيت باكيت ماجي والملح ورشة بهارات كبسة ورشة قرفة ومعلقتين كبار سمنة. 7. خليت الأرز يغلي أول شي على نار متوسطة، وبعدها غطيت الطنجرة وخففت النار لحد ما شرب الأرز المرق واستوى تماماً. 8. قلبت الكبسة بصحن التقديم وقدمتها ساخنة.