معمول سميد

بتحطي السمنة والزبدة بطنجرة على نار هادية ليفتروا بدون ما يسخنوا بتضيفيهم على السميد بالتدريج وبتبسيهم بدون عجن ربع ساعة و بتغطيهم بنايلون وبتحطيهم بالتلاجة و بتتركيهم اقل شي يومين و خلال اليوم بتبسيهم اربع مرات بالنسبة للسمنة لتعرفي انه حرارتها مناسبة ان حطيتي اصبعك فيهاوتركتيه بقدر يتحملها قبل ما تضيفيها على السميد بعد ما تبسي السميد بس تضغطي عليه بالايد بكون متماسك وان حطيتي عليه اصبعك لجزء ضغطي بفرط

قبل الشغل بالسميد يضاف باقي المكونات (مستكة مطحونة مع نص ملعقة كبيرة سكر + محلب مطحون مع سكر ) وتضاف كاسة مية دافية بالتدريج ممكن اكتر بشوية حسب نوعية السميد لحتى تكون عجينة طرية بتلميها باطراف الاصابع بدون عجن بتعملي كرة ان كانت مو مشققةكمية المية بتكون مناسبة وتشكل العجينة لكرات تحشى عجينة المعمول وتنقش او بالقوالب تخبز بفرن حامي من قبل 10 دقائق درجة 180 بالوسط لتوخد لون من تحت ولون خفيف من فوق بدها تقريبا 7 دقائق بس يطلعوا من الفرن اول ما يبردوا بتحطيهم بعلبة عليها نايلون وعلى الوجه بتغطيهم نايلون وبتسكريها

يخلط معجون التمر مع زيت زيتون و ملعقة كبيرة زبدة و بهارات كعك و رشة قرفة و هيل

جميع الاكواب والمعالق المستخدمة معيارية حجم الكوب 250 مل استخدمت الميزان كل كرة عجينة وزنها ٢٥ غم اخدت ١٥ غم تمر عملت الكمية قسمين القسم الاول تركته متل ماهو القسم التاني اضفتله دقة كعك وفيكم تضيفوا معها سمسم محمص وقزحة محمصة بطلع طيب مع اضافتها دقة الكعك بتغير لونه وطعمه اضافتها حسب الرغبة بس انا بفضل بدون قسمت العجينة بعد ما ضفت المواد الجافة اربع اقسام متساوية والمواد السائلة والخميرة قسمتهم على اربعة وقبل الشغل كنت اضيف الخميرة والمواد السائلة (قطر، ماء ورد، ماء زهر، مية دافية) التمر جهزته وكورته قبل ما اضيف المواد السائلة للعجينة المستكة والمحلب ان زدتيه بتمرر العجينة فيكم تقللو من كمية المحلب حسب الرغبة فيكم تزيدو ماء ورد وماء زهر حسب الرغبة فيكم تقللو كمية المستكة حسب ما بتحبو نكهته فيكم تزيدو سكر للعجينة حسب الرغبة