جرانولا

-٢ كوب شوفان (حبوب كاملة بس انا ما كان عندي) - ١/٢ كوب من المكسرات الي بتحبوها (لوز، جوز، كاجو، بندق، فستق) يا كاملة او مفرومة خشن حسب شو بتفضلوا - ١/٤ كوب بذور (يقطين، دوار الشمس، سمسم) - ١/٣ كوب عسل أو دبس تمر أو ميبل سيرب (ممكن تقللوا الكمية لو بتحبوا) - ٢ او ٣ ملاعق كبيرة زيت جوز الهند أو زيت زيتون - ٣ او ٤ ملاعق كبيرة زبدة الفول السواداني - ١ ملعقة صغيرة فانيلا - ١ ملعقة صغيرة قرفة - رشة ملح اضافات اختيارية (بس زيادة فائدة): جوز الهند مبشور او شرائح / زبيب / تمر مفروم / كرانبيري مجفف / goji berries / فواكه مجففة / cacao nibs الي هي حبوب كاكاو خام / قطع شوكلاتة داكنة / طحينية *اذا بتستعملوا الزبيب والتمر والفواكه المجففة انتبهوا لكمية العسل او الدبس او السيرب لأنهم الريدي حلوين

1. بنسخن الفرن على حرارة ١٦٠ 2. بنخلط الشوفان والمكسرات والبذور والقرفة والملح بصحن عميق 3. بنسخن الزيت مع العسل (أو الدبس) وزبدة الفستق بطنجرة صغيرة لحد ما يذوب (مش يغلي) وبنضيف الفانيلا 4. بندير الخليط السائل فوق الخليط الجاف وبنحرك منيح 5. بنفرد الخليط بصينية خبز عليها ورق زبدة 6. بنخبزها لمدة ٢٠-٢٥ دقيقة وبنحركها كل ٥-٨ دقايق 7. بس تجهز بنتركها تبرد تماما راح تصير مقرمشة أكتر بعد ما تبرد