زرب بالفرن باللحمه

غسل اللحمه وتشويحها بالزيت ع الوجهين حتى توخذ لون ذهبي بضيف الماء مباشرة ويفضل ماء حنفية مش مغلي ،ثم بضيف المنكهات بصل قرفة هيل ورق غار قرنفل بطبخ اللحمه حتى تستوي 80بالمية

بغسل الرز اربع مرات بقطع بصل وببلش اقلية حتى يبلش يوخذ لون ذهبي بنزل بالرز وبقلب وبضيف الملح والماجي وبهارات المشكلة مع حبتين هيل وحبتين قرنفل وحبة لومي ثم بضيف مرق اللحم المصفى بطبخ الرز 70بالمية

بجهز طنجرة تدخل الفرن لاستكمال الطبخة بضع ورق زبدة بقاع الطنجرة والجوانب وببدء انزل الخضار البطاطا والجزر والفلفل والبصل والتقطيع حسب الرغبة ثم بنزل قطع اللحم فوق الخضار وبنزل الارز فوق طبقة اللحم وبغلف الطنجرة بالقصدير وبدخلها الفرن مدة ساعه ع نار متوسطة الرف الوسط

بشعل فحمه وبضعها فوق قطعة بصل فوق الارز ثم بضيف الزيت او السمن فوق الفحم وبغطي الرز 10د حتى يوخذ نكهة الفحم وبعدها بشي الفحم وبقلب الطنجرة بالسدر وبفع ورق الزبدة وبزينه بالمكسرات وصحتين وعافية ع قلبكن