منسف

نضع اللحمه في الماء على نار عاليه لما تغلي منقشط كل الزفره لحد ما تصير نضيفه منضيف مطيبات ؛ - هيل - ورق غار - بصله كامله مقشره دون تقطيع 🧅 - بعدين منسكرها بطنجرة الضغط 50 قيقه ( أنا ما بضيف اي نوع بهار او ملح على اللحم للمنسف ) بضل طعم اللبن بدون منكهات وطعم الجميد واضح، والجميد أصلا مالح فما في داعي نضيف ملح أبدا على مرق اللحم بسلق اللحم لحال وبعدين بضيفها على اللبن هيك المنسف ما بكون كتير دسم وبس تستوي منصفي اللحم ونضعها فوق اللبن المغلي

هاي الطريقة اللبن بكون كتير زاكي ومش دسم كتير وطعم الجميد يجنن واكيد رح يزبط معك وأسهل وأسرع منو مافي بستخدم جميد الكسيح الباكتيات من زمان كتير طيب وأسهل وأسرع - منحتاج ٢ بكيت جميد الكسيح الصغار - علبه لبن مراعي الكيلو - علبه شنينه المراعي الحجم الكبير تقريبا نص لتر كل ٢ بكيت الصغار من الكسيح بحتاجو علبه لبن الكيلو ، وبضيف عليهم علبه شنينه كامله تقريبا نص لتر نضع بطنجره: الجميد بعدين اللبن وبعدين الشنينه بخلطهم بال mixer او ممكن تخلطوهم بالخلاط هيك اللبن ما بفرط أبدا بس نخلطهم نضعهم على النار ومنضل نحرك لحد ما يغلي اللبن منخليه 5 دقايق يغلي بعدين منضيف مرق اللحم على اللبن تقريبا كوبين حسب كيف بتحبو اللبن خفيف او تقيل ومنضيف اللحم ومنتركهم على النار 10 دقايق عشان ياخدو طعم اللبن

- 2 كوب أرز حبه قصيره تايجر - 1 كوب حبه طويله أرز مصطفى - كل كوب يحتاج معلقه صغيره ملح - نص معلقه صغيره خفيفه كركم عشان يعطي لون حلو وما يضل ابيض بعمل الأرز بقليل من زيت القلي ممكن تعملو بالسمنه بس أنا بحبو خفيف مش دسم وبس تغلي المي مع الأرز وتنشف شوي منخلي الرز على نار هاديه جدا ، يعني منخفف نار الغاز من العكس ومنخليه لحد ما يتفلفل وهيك ما بخبص أبدا وكل حبه بحبتها