مفتول

بنقلي الدجاج والبصل الأبيض واختارو الحبات الصغيرة في زيت غزير وحامي لحتى يصير لونهم ذهبي ويتحمر مزبوط .بعدين بطنجرة ستانلس ستيل حجمها يناسب مصفاية ، يعني انه نقدر نحط مصفاية جوا الطنجرة ونغطيها .بنحط بالطنجرة راس بصلة مقطع شرائح وبنضيف الحمص الحب المسلوق وبنضيف حبات البصل المقلية والدجاج المقلي وبنحط البهارات هاي ( كمون ، ماجي ، بهارات مشكلة ، بصل وثوم بودرة ، فلفل اسود ) وبنغمرهم بمي .بعدين بنحط المصفاة بنحط فيها نص كمية المفتول وبنضيف عليها شوية ماجي وكمون وفلفل اسود وثوم وبصل بودرة وزيت زيتون وبنقلبهم، بعدين بنعمل الكمرة . الكمرة عبارة عن بصلة مفرومة ناعم بنضيف عليها زيت زيتون وكمون وفلفل اسود وبصل وثوم بودرة وبنحطهم طبقة بنص المفتول ، بنرجع نضيف الكمية الباقية وبنحط نفس البهارات الي حطيناها على الطبقة الاولى وبس .بنحط المصفاة جوا الطنجرة وبنخليهم لحتى يستوي الدجاج ، طبعًا كل شوي بنفتح على المفتول وبنحركه عشان نتأكد انه استوى وتهبل من كل الجهات.وصحتين وعافية كثير زاكية وسهله للي اول مره رح يجربو يسووها.