معمول سميد

المكونات : كوبين سميد خشن ثلاث أكواب سميد ناعم كوبين سمن حيواني سائل بدرجة حرارة الغرفة ( بنقدر نحط كوب سمن حيواني وكوب زبدة ) بس إذا فيها زبده بنحطها بالثلاجه بس نتركها يوم بعد ما نبسها، أما إذا بس سمنة عادي بتضل برا نصف كوب حليب بودرة نصف كوب سكر بودرة كوب طحين كوب ونص حليب سائل ربع ملعقة صغيرة خميرة وشوييية مستكة بهارات الكعك جيبوهم من العطار جاهزين لا تغلبو حالكم ، مسكته اطحنوه مع شوية سكر ، محلب . ( في ناس بتحب تضيف ماء ورد او ماء زهر هاد يعتبر زوق شخصي ) الحشوات زي ما بتحبو على زوقكم . بنضيف السميد الناعم والخشن وبنضيف فوقهم السمنه و بنبسهم ( يعني بنحركهم بلطف بايدينا لحتى يتغلف كل السميد بالسمنه) بنتركه يوم او يومين ، يعني مش اقل من يوم لحتى السمنه والسميد يتشربو بعض مزبوط ، كل كم ساعه بنحركهم شوي وبنرجع نغطيهم . بعدين بنضيف باقي المكونات البودرة.. بعدين بنجيب الحليب بنضيف عليه ربع معلقة صغيرة خميرة وبنحركه وبنصبه فوق العجين بالتدريج وبنحرك . بنريح العجينة ساعة وبعدين بنستخدمها . جرّبوها ورح تدوقو أطيب معمول بشهييي