المخلمة العراقية (سحور صحي، وسريع، ومُشبع بمقلاية وحدة)

- ٢ معلقة كبيرة زيت زيتون - بصلة متوسطة مفرومة - ٢٥٠ جرام لحم عجل او خروف او مكس - ملح حسب الذوق - رشة او نص معلقة صغيرة فلفل اسود - رشة او نص معلقة صغيرة بهارات مشكلة - ١-٢ سن ثوم مهروس (اختياري) - معلقة صغيرة معجون البندورة - ٣-٤ حبات بندورة مفرومة (حوالي ٢ كوب) - ٣-٤ بيض - رشة بقدونس مفروم

1. بنحمس البصل مع الزيت زيتون على حرارة متوسطة وبنضيف اللحمة. 2. بس تنشف مية اللحمة وتتحمر بنضيف البهارات والثوم ومعجون البندورة. 3. بنحمس معجون البندورة لمدة دقيقة وبنضيف البندورة وبنخليها لحد ما تستوي شوي. 4. بنضيف البيض على الخليط، انا بفضل يكون مخفوق بس في ناس بفضلوا يحطوه مباشرة بالمقلاة. 5. اخر اشي بتضيف البقدونس وبنحرك. (اذا بتحبوا تكون المخلمة قالب واحد، غطوا المقلاية بغطا وخلوها لحد ما تستوي).