بطاطا محشية بصلصة البندورة

اول اشي بنختار حبات البطاطا الحجم الصغير او المتوسط ، بننقر البطاطا وبنحاول نخليها رقيقة كل ما كانت ارق كل ما كانت أطيب . بالنسبة للب اللي بيطلع من البطاطا لا تكبوه خلوه رح نحتاجه بالوصفة . بعدين بنغسل البطاطا وبنقليها بنحمرها من كل الجهات وبهاي الأثناء بنحضر اللحمه . في مقلاة ، بنشوح البصل المبروش بشوية سمنة او زيت نباتي ، وبس تاخد لون ذهبي بنضيف اللحمة المفرومة ( اللحمة خلوها تكون مفرومة خشنة بتطلع بتشهي ) وبنبهرها وبنملحها ( البهارات : بهار مشكل ، ثوم باودر ، بصل باودر ، فلفل اسود ، ماجي ) وبنتركها لحتى تستوي وآخر اشي بنضيف الصنوبر المقلي . بعدين بنحشيهم وبنخليهم على جنب ، في طنجرة بنضيف بصلة مبروشة ، وفوقهم لب البطاطا اللي طلع من البطاطا ، بندورة مبروشة ، صلصة بندورة وبهارات ومي ، بنخليهم يغلو خمس دقائق وبعدين بنضيف البطاطا المحشية وخليها على نار هادية لحتى تستوي البطاطا وتتسبك الصلصة . تقدم مع أرز بشعيرية . جرّبوها وادعولي كثير زاكية.